Харьков ауылдық кітапханасының «Кітапханамызда қолөнерді бірге дамытайық» жобасы.

Харьков ауылдық кітапханасының

«Кітапханамызда қолөнерді бірге дамытайық» жобасы.

Жобаның ұраны: 

   Егер де мал керек болса, қолөнер үйренбек керек...

Алдау қоспай адал еңбегін сатқан қолөнерлі — қазақтың төресі сол. Абай Құнанбаев.

Жоба мақсаты:

    Жас ұрпақтың санасында туған халқына деген құрмет пен мақтаныш сезімін ұялатып, ұлттық рухты сіңіру, сондай-ақ тарихы мен өнерін қастерлеп, халқымыздың салт-дәстүрін аялап, ардақтай білуге тәрбиелеу.

Жоба міндеттері: 

• Оқырмандардың бос уақыттарын тиімді өткізуіне бағытталған қолөнер үйірмелерін ұйымдастыру
• Оқырмандарды қолөнерге баулу, өнерге деген қызығушылығын, шығармашылығын арттыру, 
• Балаларды жинақылыққа, төзімділікке, икемділікке, тиянақтылыққа, тазалыққа тәрбиелеу.
• Кітапханада жас ұрпақтың бойына  өнерге деген жауапкершілік сезімдерін, мәдениетін қалыптастыруға және де өнерді сүйіп, аялай білуге және бос уақыттарын тиімді пайдалану үшін «Шебер қолдар»  үйірмесін ұйымдастыру.
• Жұмыс барысында қолөнердің қағаздан жасалатын: оригами, жапсырмалау (аппликация), квиллинг (шиыршықталған қағаз), тұзды қамыр, ермексаз сияқты қолжетімді заттарды пайдалану. 

  Тақырыптың өзектілігі: 

     Бүгінде кітапхана саласы адамдардың өскелең талабын қанағаттандыруға, рухани байлығын, жалпы қабілетін дамытуға, жоғары эстетикалық  талғамын қалыптастыруға байланысты жұмыстар жүргізеді. Жас жеткіншектің санасына өз елі мен мемлекетіне, қолөнер мәртебесін асқақтатуға рухани құндылықтарға деген сезім қалыптастыруға,  өнердің сырын түсіне отырып, ізденуге, танымдылық қабілеттерінің артуына ықпал ету, логикалық ойлау, өнерге ынтасын, қабілеттерін дамыту болып табылады.

Жоба мазмұны:

I-кезең – ұйымдастыру

• Аудан кітапханашыларымен жұмысты бірге ұйымдастыру.
• Аудандық кітапханалармен байланыс орнату.

II-кезең:

• Балалармен жұмыс жасауға арналған әдебиеттерді, журналдарды қажетті құралдарды таңдау.
• Түрлі-түсті қағазды пайдаланып квиллинг (шиыршықталған қағаз), папье-маше (шайналған қағаз) тақырыбында жұмыс.
• Түрлі-түсті қағазды пайдаланып аппликация (жапсырмалау).
• Ермексаздан әртүрлі бейнелер жасау.
• Жоба аясында жасалған жұмыстарға қорытынды жасау. Қолөнер бұйымдарынан көрме ұйымдастыру.

Күтілетін нәтижелер:

• Қол өнер арқылы балаларға эстетикалық тәрбие беру;
• Оқырмандардың қол өнерге деген қызығушылығын, шығармашылығын  арттыру;
• Кітапханаға оқырмандар тарту;
• Ата-баба салт-дәстүрін, өнерін жалғастыратын  ұрпақ тәрбиелеуге ықпал ету.