Ақтоғай орталық кітапханасында балалар әдебиет бөлімінің ұйымдастыруымен «Төрлет, жаңа жыл!» атты шырша мерекесі өтті.
Балалардың шақыруы бойынша Аяз ата мен Ақшақар ортаға шығып, думан көркін қыздырды. Сондай-ақ, балалардың сүйікті ертегі кейіпкерлері – Маша, СиқыршыжәнеСайқымазақ
бүлдіршіндермен бірге түрлі ойындар ойнап, сайқымазақпен би биледі. Балалар шыршаны айнала ән айтып, би билеп, Аяз ата мен Ақшақарға өз өнерлерін көрсетті. Жасыл шырша маңына жиналған балалардың қуанышында шек болмады. Мереке соңында Аяз Ата мен Ақшақар бүлдіршіндерге арнап дайындаған сыйлықтарын таратып, балаларға қуаныш сыйлады.
