«Болашаққа бағдар: Рухани жаңғыру» мақаласын талқылау мақсатында Ақтоғай орталық кітапханасында «Рухани жаңғыру-заман көшіне ілесу» атты дөңгелек үстел ұйымдастырылып, жаңғыру жолында бабалардан мирас болып, қанымызға сіңген ізгі қасиеттерді қайта түлетуіміз керек екені, ұлттық салт-дәстүрлерімізді, тіліміз бен әдебиетіміз, жоралғыларымыз, бір сөзбен айтқанда ұлттық рухымыз бойымызда мәңгі қалуға тиіс.
Осы Тәуелсіз еліміздің намысын қорғайтын, бүгінімізді ертеңіне жалғайтын, қазақ елінің ертеңі, болашағы үшін жауап беретін бүгінгі ұрпақ екенімізді сезінейік. “Сен де бір кірпіш дүниеге, Кетігін тап та бар қалан!”- деп Ұлы ақын Абай атамыздың сөзімен әр адам өз саласындағы жетістіктерді саралап, өзін-өзі қамшылап, заман талабына сай жаңаны үйренуге тырысып жүруі керек деп қорытындыланып, шара соңында кітап көрме бойынша шолу жасалды.