Өлкетанулық-библиокеруен жобасы «Ата-бабалар жолымен...»

«Ақтоғай ауданының орталықтандырылған  кітапхана жүйесі» КММ

Өлкетанулық-библиокеруен жобасы

«Ата-бабалар жолымен...» 2017-2022 жж.

Жобаның тәрбиелік мақсаты:

   Жеткіншектердің өз Отанына, ауылына, отбасына деген сүйіспеншілік ұялату, туған өлкеміздің тарихын жан-жақты білуге, рухани білім алуға көмектесу. 

Жоба маңыздылығы:

   Адамның туып өскен жері, тұратын адамдары, қоршаған ортасы, табиғаты-осының бәрі біздің өміріміздің бір бөлшегі болып саналады.

Тәжірибелік іс-әрекеті:

   «Туған ел», «Отаным», өлкетанулық керуендер, аудандық өлкетану мұражайына көмек ретінде мәлімет жинақтау т.б.

Жобаны іске асыру көздері:

   Оқырмандардың өз Отанына деген сүйіспеншілік тәрбиелеу, ата-баба дәстүрін сақтап, өз дінін, тілін мәдениетін білу.

Нәтижесінде:

• - Өз кіші Отанына, беделді адамдарға деген құнды көзқарас;
• - Патриоттық позиция мен қоса белсенділік таныту;
• - Ауданның мәдени және архитектуралық құндылықтарды сақтау.

Кіріспе:

    Қазақ елінің қасиетін өз бойына дарыта алған, туған ұлтын шексіз сүйіп, тереқадір тұтқан халқымыздың қаһарман ұлдарының саны аз емес.

  Қаншама жерлес ер азаматтарымыз, жауынгер, жазушыларымыз қан майданда тер төгіп, елімізді, жерімізді жаудан қорғап, сонымен қатар өздерінің шығармаларымен жауынгердің патриоттық сезімдерін оятып, тірек бола білген.

    Ұлы Отан соғысындағы Ұлы Жеңіс достық пен бірлікті жырлаған, ер намысы боп атылған, ел даусы боп шақырған жеңіс. Арын жалау етіп, жанын алау етіп жауға аттанған ел ұрандары жерін қорғады, халқынын өмірін қорғады, өзі туған өңірін қорғады, ақ сүт берген анасын қорғады, ақ самал ескен даласын қорғады. Осы соғыста қасық қанын қиып ұрыс даласынан қайтпай қалған қаһармандар қаншама!

   Біз, яғни қазіргі ұрпақ, соғыс ардагерлерін, майданнан қайтпай қалған боздақтарды келешек үшін қанын төккені үшін басымызды иіп құрмет көрсетуіміз қажет, ол біздің адамгершілік парызымыз. Адамзаттың алдындағы үлкен міндет осы тарихи шындықтарды болашақ ұрпаққа ешқандай өзгеріссіз жеткізу болмақ. Өткенімізге көз тастап, ой елегінен өткізбейінше, туған жер топырағында жаралған небір рухани құндылықтардан нәр алмайынша болашаққа барар жолдың салынбасы хақ. Әрбір өскелең ұрпақ елінің, халқының, ұлтының болашағы болғандықтан, ұлттық теңізінің бастауында тұрған атамекенін білуі абзал.

    Соңғы жылдары өлкетанулық ұйымдары туған жерді зерттеу мақсатымен кеңінен таралуда. Осыдан аталған жобаның негізгі идеясы туындайды. Осы орайда Ақтоғай орталық кітапханасы өз туған жерін тек қана кітап беттерінен ғана оқып-білмей, арнайы топ құрып, ата-бабаларымыздың туған жеріне керуендеп қайтуды көздеді. Жоба барысында топ мүшелері барлық мәліметтерді ауылдың қарт  адамдарының ауызынан естіп, біліп, рухани бай болуға ниеттенуде. 

Жобаны іске асыру жоспары